İsrail Müdafiə Qüvvələrinin döyüş imkanlarının təchizatı və gücləndirilməsi üçün nəzərdə tutulan, yeni raket katerləri və yolsuzluq avtomobillərinin alınmasını nəzərdə tutan layihələr İsrail hökumətinin satınalma komissiyası tərəfindən təsdiqlənib.

“Sizinxeber.az” xəbər verir ki, bu barədə yəhudi dövlətinin Baş nazirinin ofisi, Müdafiə Nazirliyi və Maliyyə Nazirliyinin birgə bəyanatında bildirilib.

“Bu gün Nazirlərin Satınalma üzrə Komissiyası bir sıra alışları təsdiqlədi ki, bunların arasında “Reşef” layihəsi – hərbi dəniz qüvvələri üçün yeni raket kateri, həmçinin yüzlərlə yeni JLTV “Fara” tipli yolsuzluq avtomobilləri var. Müqavilə çərçivəsində Müdafiə Nazirliyi “İsrail Gəmi Təmiri” şirkətindən beş müasir “Reşef” kateri alacaq”, – bəyanatda qeyd olunub.

Təsdiqlənmiş layihələr Knessetin (parlamentin) müdafiə büdcəsi üzrə komissiyasına təqdim ediləcək, bundan sonra “Müdafiə Nazirliyi müqavilələrin imzalanmasına keçə biləcək”. Baş nazirin ofisində qeyd ediblər ki, söhbət “milyardlarla şekel” məbləğində alışlardan gedir.

Oxşar xəbərlər

İsrailə 70-dən çox raket atılıb, ölkədə fövqəladə vəziyyyət elan olunub

İsrailə 70-dən çox raket atılıb, ölkədə fövqəladə vəziyyət elan olunub

İsrail ordusu “Hizbullah”ın raket qüvvələrinin səhra komandirini öldürüb