Niderlandın Müdafiə Nazirliyi Rusiyadan gələn təhdidlər fonunda Şimal dənizindəki infrastrukturun qorunması üçün özəl şirkətlərin əlavə heyət və avadanlığını cəlb etməyi planlaşdırır.

“Sizinxeber.az” xəbər verir ki, bu barədə Niderlandın “Pointer” jurnalist araşdırmaları mərkəzi məlumat yayıb.

Niderland hakimiyyətinin hansı şirkəti işə götürəcəyi və heyətin hansı səlahiyyətlərə malik olacağı hələ məlum deyil.

"Bu məsələ müxtəlif tərəflər və qurumlarla müzakirə olunur. Nümayəndələr Palatası (parlamentin aşağı palatası) patrul qüvvələrinin işə götürülməsi barədə məlumatlandırılacaq", - mərkəzdən bildirilib.

Qeyd olunur ki, Şimal dənizinin infrastrukturunun təhlükəsizliyini təmin etmək üçün özəl şirkətlərin cəlb olunması barədə qərar müvəqqəti xarakter daşıyır.

Xatırladaq ki, iyunda Niderland hökuməti Şimal dənizində infrastrukturun qorunması və təhlükəsizliyin gücləndirilməsi üçün 41 milyon avrodan çox vəsait ayırmağı qərara alıb.

Oxşar xəbərlər

Niderland Ukraynaya yeni yardım paketi ayırıb

Niderland Ukraynaya 42,6 milyon avroluq PUA verəcək

Niderland Ukraynaya 271 milyon avro ayıracaq

Niderland öz tank batalyonunu yaratmaq niyyətindədir