Avropa Komissiyası (AK) Ukrayna Dəstək Fondundan Kiyevə 4,1 milyard avro məbləğində ikinci makromaliyyə yardımı tranşının ayrılmasına müsbət qiymət verib.

“Report” xəbər verir ki, bu barədə təşkilatın mətbuat xidməti məlumat yayıb.

“Avropa Komissiyası Ukraynanın bu ödəniş üçün zəruri olan islahatlar sahəsində doqquz öhdəlik bəndinin hamısını qənaətbəxş şəkildə yerinə yetirdiyini müəyyən edib”, – AK-dan bildirilib və qeyd olunub ki, bu məbləğ Aİ Şurası tərəfindən təsdiqlənəndən sonra Ukraynaya köçürüləcək.

Məlumatda qeyd olunub ki, Kiyevin həyata keçirdiyi islahatların qiymətləndirildiyi meyarlar korrupsiya ilə mübarizə, biznes şərtləri, əmək bazarı qaydaları, enerji bazarı normaları və ətraf mühitin qorunmasına aiddir.

AK-dan diqqətə çatdırılıb ki, Ukrayna Dəstək Fondu xətti ilə bu tranşın köçürülməsindən sonra Kiyev ümumilikdə 16,1 milyard avro alacaq.

Oxşar xəbərlər

AK Ukraynaya 4,1 milyard avro ayrılmasını təsdiqləyib

Aİ ölkələri bu il Ukraynaya 21 milyard avro hərbi yardım etmək niyyətindədir

Aİ Şurası Kiyevə 4,2 milyard avro məbləğində yardımın ayrılmasını təsdiqləyib

Avropa Parlamenti Ukraynaya 35 milyard avro kreditin ayrılmasını təsdiqləyib

Aİ Rusiyanın dondurulmuş aktivlərindən Ukraynaya 35 milyard avro kredit ayıracaq