Macarıstanın xarici işlər və xarici iqtisadi əlaqələr naziri Peter Siyarto ABŞ hakimiyyətinin viza rejimini sərtləşdirmək və Macarıstan vətəndaşlarına qarşı sanksiyalar tətbiq etməklə hədələməsindən məyus olduğunu, lakin təəccüblənmədiyini bildirib.

Bu barədə “Sizinxeber.az” “TASS”a istinadən xəbər verir.

ABŞ Senatının Xarici Əlaqələr Komitəsinin sədri Ben Kardinin bu məsələ ilə bağlı bəyanatını jurnalistlərin xahişi ilə şərh edən macarıstanlı diplomat deyib:

“Amerikada siyasi həyatda iştirak edən və iki ölkə arasında münasibətlərin pozulmasında maraqlı olan çoxlu sayda insan olduğunu nəzərə alsaq, bu, təəccüblü deyil. Əksinə, biz Macarıstanla ABŞ arasında münasibətlərin normallaşmasında maraqlıyıq və istəyirik ki, onlar bir neçə il əvvəl olduğu kimi yenidən yaxşı olsunlar.

Biz daim Macarıstan-Amerika münasibətlərini yaxşılaşdırmaq üçün çalışırıq və əməkdaşlığımızın mümkün qədər müsbət məcrada inkişaf etməsini istərdik. Amma görünən odur ki, Amerikanın siyasi həyatında bir çox insanlar bu münasibətlərin pis olmasında maraqlıdır”.

Fevralın 1-də Kardin deyib ki, “Macarıstanda demokratik normalar eroziyaya məruz qalır” və baş nazir Viktor Orban Ukraynaya yardımın qarşısını alaraq NATO-nun “ən etibarsız müttəfiqi”nə çevrilib.

“Bayden administrasiyası Macarıstana qarşı Qlobal Maqnitski Aktı çərçivəsində sanksiyaların tətbiqinin məqsədəuyğun olub-olmadığını araşdırmalıdır”.

Oxşar xəbərlər

Türkiyə ilə saziş bağlanıb, 275 milyon kubmetr qaz alacağıq [xfgiven_updateblue][/xfgiven_updateblue]

Macarıstan Bolqarıstanı Şengen zonasına buraxdı [xfgiven_updateblue][/xfgiven_updateblue]

Azərbaycan və Monteneqro XİN başçıları regional məsələləri müzakirə ediblər [xfgiven_updateblue][/xfgiven_updateblue]

Macarıstan Qarabağ ərazisində keçirilmiş qondarma “seçkilər”i tanımır [xfgiven_updateblue][/xfgiven_updateblue]

İlham Əliyev: “Azərbaycan ilə Macarıstan arasında uğurlu əməkdaşlıq məmnunluq doğurur” [xfgiven_updateblue][/xfgiven_updateblue]