Perunun Uankayo şəhərində həbsxanada baş vermiş yanğın nəticəsində azı beş nəfər həlak olub.

“Sizinxeber.az” xəbər verir ki, bu barədə ölkənin Milli Penitensiar İnstitutu məlumat verib.

“Dünən təxminən saat 21:30-da Uankayo həbsxanasının pavilyonundakı ayaqqabı emalatxanasında yanğın baş verib. Müəssisənin mühafizəçiləri dərhal yanğınsöndürmə xidmətinə məlumat veriblər və onlar 30 əməkdaş və 6 maşın göndəriblər”, – məlumatda deyilir.

Qurumun sözlərinə görə, beş nəfər boğularaq ölüb. “La Republica” qəzetinin məlumatına görə, 35 nəfər xəsarət alıb, onlardan 8-i ağır vəziyyətdə xəstəxanadadır. İlkin məlumatlara görə, yanğının səbəbi qısaqapanma olub.

Həbsxana 680 məhbus üçün nəzərdə tutulub, lakin orada 2 mindən çox insan saxlanılır.

Oxşar xəbərlər

Almaniyada festivalda yanğın nəticəsində 30 nəfər xəsarət alıb

Mumbayda bir ailənin 7 üzvü mağaza binasında baş vermiş yanğında həlak olub

Bu ilin 6 ayında yanğınlarda 14 nəfər həlak olub, 46 nəfər xəsarət alıb

Cari ilin altı ayı ərzində yanğın zamanı 14 nəfər həlak olub