Avropa Parlamentinin Beynəlxalq Ticarət Komitəsi Rusiyanın dondurulmuş suveren aktivlərindən əldə edilən gəlir hesabına Kiyevə 35 milyard avro məbləğində kreditin ayrılması ilə bağlı Avropa Komissiyasının əvvəllər təklif etdiyi mexanizmin lehinə səs verib.

Bu barədə “Report” Rusiya KİV-ə istinadən xəbər verir.

"Təklif səs çoxluğu ilə qəbul edilib", - xüsusi iclasa sədrlik edən Avropa Parlamentinin almaniyalı deputatı Berd Lan qeyd edib.

Müvafiq komitə tərəfindən razlaşdırıldıqdan sonra Avropa Parlamentinin üzvləri bu təklifi oktyabrın 22-də keçiriləcək plenar iclasda təsdiqləməlidirlər.

Xatırladaq ki, Rusiyanın xarici işlər naziri Sergey Lavrov Qərbin Rusiyanın dondurulmuş aktivlərini müsadirə etməsini Moskvanın cavabsız qoymayacağını bildirmişdi. Onun sözlərinə görə, Moskva da Qərb dövlətlərinin Rusiyada saxladığı vəsaitləri geri qaytarmaya bilər.

Oxşar xəbərlər

Aİ Rusiyanın dondurulmuş aktivlərindən Ukraynaya 35 milyard avro kredit ayıracaq

Avropa ölkələri Rusiyanın dondurulmuş aktivlərini öz aralarında böləcək

Aİ Ukrayna üçün silah alışına 1,4 milyard avro yönəldib