İlon Maska məxsus “X” sosial şəbəkəsi Braziliyada cərimə ödəyib və ölkədə fəaliyyətini bərpa etmək üçün icazə almaq niyyətindədir.

“Report” bu barədə “Reuters”ə istinadən xəbər verir.

Agentliyin məlumatına görə, sentyabrın 26-da şirkət hakimiyyətin tələblərini yerinə yetirmək qərarına gəlib və məhkəmədən respublikada qoyulan qadağanın aradan qaldırılmasını istəyib. Bununla belə, Ali Məhkəmənin hakimi Alexandri Di Morais qərar verib ki, “X” əvvəlcə 5 milyon dollardan çox cərimə ödəməlidir.

ABŞ şirkətinin hüquqşünaslarının təqdim etdiyi sənədə görə, ümumilikdə 28,6 milyon real (5,24 milyon ABŞ dolları-red) məbləğində ödənişlər artıq edilib.

"X Brasil” istifadəçilərinin milli ərazidə sərbəst çıxışı üçün platformanın blokdan çıxarılmasını xahiş edir", - “Reuters” onların bəyanatının mətnindən sitat gətirir.

Oxşar xəbərlər

“X” sosial şəbəkəsi işinin bərpası üçün Braziliyaya 5 milyon dollar cərimə ödəyib

“X” sosial şəbəkəsi Braziliyada fəaliyyətini dayandırır

Braziliyada “X” platformasından istifadəyə görə 9 min dollar cərimə tətbiq edilib

Mask “X”in bağlanmasına qərar verən hakimin cinayətlərini ifşa edəcəyinə söz verib