ABŞ yaxın günlərdə Yaxın Şərqdə yerləşdirdiyi hərbi təyyarələrin sayını artıracaq.

“Report.az”un məlumatına görə, bu barədə Pentaqonun mətbuat katibi Patrik Rayder yazılı açıqlamasında bildirib.

Qeyd olunub ki, ABŞ-ın müdafiə naziri Lloyd Ostin bölgədə ABŞ Hərbi Dəniz Qüvvələrinə məxsus təyyarədaşıyan “Abraham Lincoln”, ABŞ Hərbi Dəniz Qüvvələrinin amfibiya hücum gəmisi “USS Wasp”, həmçinin “F-22”, “F-15E”, “F-16” qırıcıları və “A-10” hücum təyyarələrinin sayının artırılmasına dair göstəriş verib.

Bəyanatda ABŞ-ın yaxın günlərdə müdafiə hava dəstəyi imkanlarını gücləndirəcəyi nəzərdə tutulur. Vurğulanıb ki, İran və ya onun tərəfdaşları bu məqamdan istifadə edərək Amerika hərbçilərinə hücum edərsə və ya ABŞ-ın regiondakı maraqlarına zərər verərsə, Birləşmiş Ştatlar öz vətəndaşlarını qorumaq üçün bütün lazımi tədbirləri görəcək.

Oxşar xəbərlər

Ostin və Umerov telefonla NATO sammitinin nəticələrini müzakirə ediblər

Pentaqon yeni qüvvələrin Yaxın Şərqə göndərilməsi variantını nəzərdən keçirir

İsrail ordusu Livanda “Hizbullah”ın 800-ə yaxın hədəfinə hücum etdiyini açıqlayıb

İsrailin Hərbi Hava Qüvvələri Qəzzada 50-yə yaxın hədəfə hücum edib

ABŞ-nin “Abraham Linkoln” təyyarədaşıyan gəmisi Yaxın Şərq regionuna gəlib