Dekabrın 1-də tərəflər arasında müvəqqəti atəşkəs başa çatdıqdan sonra İsrail ordusunun hərbçiləri Fələstinin HƏMAS hərəkatının 2 mindən çox yaraqlısını öldürüb.

“Report” xəbər verir ki, bu barədə İsrail ordusunun rəsmi nümayəndəsi Daniel Haqari brifinqdə bildirib.

O, həmçinin vurğulayıb ki, İsrail hərbçiləri hazırda Qəzza zolağının cənubunda intensiv iş aparır.

“Biz Xan-Yunisin şərqində döyüşən qoşunların sayını artırdıq və orada aktiv hərbi əməliyyatlar aparırıq”, - Haqari deyib.

O, eyni zamanda əlavə edib ki, Hizbullah hərəkatı "Livanın cənubunu müharibə zonasına çevirib və həmin dövlətin gələcəyini təhlükə altına almaqda davam edir".

Xatırladaq ki, oktyabrın 7-də Qəzza zolağından HƏMAS yaraqlılarının İsrail ərazisinə soxulmasından sonra Yaxın Şərqdə vəziyyət kəskin şəkildə pisləşib. Bu, sərhədyanı qəsəbələrin sakinlərinin öldürülməsi və uşaqlar, qadınlar və qocalar da daxil olmaqla 200-dən çox girov götürülməsi ilə müşayiət olunub.

İsrail tərəfi baş verənlərə cavab olaraq bu günə qədər davam edən “Dəmir qılınclar” əməliyyatının başladığını elan edib.

Oxşar xəbərlər

İsrail ordusu Qəzzada HƏMAS-ın əsas dayaqlarından olan şəhəri ələ keçirib [xfgiven_updateblue][/xfgiven_updateblue]

İsrail HƏMAS-a bir həftəlik hərbi əməliyyatları dayandırmağı təklif edib [xfgiven_updateblue][/xfgiven_updateblue]

İsrail Qəzzanın cənubunda aktiv döyüş əməliyyatlarına başlayıb [xfgiven_updateblue][/xfgiven_updateblue]

ÇAXAL-la HƏMAS arasında toqquşlamalar başladı [xfgiven_updateblue][/xfgiven_updateblue]

HƏMAS silahlıları ilə toqquşmalarda İsrailin 44 hərbçisi həlak olub [xfgiven_updateblue][/xfgiven_updateblue]