ÇAXAL-la HƏMAS arasında toqquşlamalar başladı

İsrail hərbçiləri Qəzza zolağına doğru irəlilədikcə, HƏMAS döyüşçüləri ilə birbaşa toqquşmalara girirlər.

Axar.az xəbər verir ki, bu barədə İsrail ordusunun nümayəndəsi Daniel Haqari məlumat verib.

“Biz yerdə hərəkət edirik, terrorçuları müəyyənləşdirir və havadan hücum edirik. Qəzza zolağı daxilində hərbçilərlə terrorçular arasında da birbaşa təmas var. Biz əməliyyat planlarımıza uyğun olaraq irəliləyərkən vəziyyəti daim qiymətləndiririk. Hücum fəaliyyəti hərbi əməliyyatların mərhələlərinə və müharibənin məqsədlərinə uyğun olaraq davam edəcək və intensivləşəcək”, - Haqari bildirib.