Vaşinqton və Bağdad ABŞ qoşunlarının İraqdan çıxarılmasını müzakirə etmir.

“Report” xəbər verir ki, bu sözləri Dövlət Departamentinin mətbuat xidmətinin rəis müavini Vedant Patel jurnalistlər üçün keçirdiyi növbəti brifinqdə deyib.

"Biz heç bir mərhələdə ABŞ qoşunlarının İraqdan çıxarılmasını müzakirə etməmişik, lakin təhlükəsizlik sahəsində tərəfdaşlığı genişləndirməyə davam edirik”, - Patel bildirib.

Onun sözlərinə görə, təhlükəsizlik sahəsində əməkdaşlıq qarşılıqlı sadiqlik və regional marağa əsaslanır.

Bundan əvvəl ABŞ Dövlət Departamentinin mətbuat xidmətinin keçmiş rəhbəri Morqan Ortaqus ”X” sosial şəbəkəsində yazıb ki, Prezident Cozef Baydenin başçılıq etdiyi hazırkı Amerika administrasiyası çox güman ki, tezliklə İraqdan qoşunların çıxarılması ilə bağlı razılaşmanı elan edəcək.

Oxşar xəbərlər

ABŞ Maduroya təzyiq etmək variantlarını nəzərdən keçirir

“Tasnim”: ABŞ 2025-ci ilin sentyabrında qoşunlarını İraqdan çıxarmağa başlayacaq