İsrail Baş naziri Binyamin Netanyahu bütün girovların azad edilməsini nəzərdə tutan, lakin HƏMAS-ın Qəzza zolağı üzərində nəzarətinə son qoymayan sövdələşməyə razı olmayacaq.

“Report” xəbər verir ki, bu barədə İsrail lideri “Time” jurnalına müsahibəsində bildirib.

“Xeyr, düşünmürəm. <...> Biz hər iki məqsədə çatmalıyıq: bütün girovların azad edilməsinə nail olmaq və müharibəni qazanmaq. Və mən inanıram ki, bu mümkündür”, – o söyləyib.

Xatırladaq ki, Yaxın Şərqdə vəziyyət 7 oktyabr 2023-cü ildə Fələstin radikal HƏMAS hərəkatının silahlı tərəfdarlarının Qəzza zolağından İsrail ərazisinə soxulmasından sonra kəskin şəkildə gərginləşib. Bu zaman sərhədyanı yaşayış məntəqələrinin sakinləri qətlə yetirilib və 240-dan çox girov götürülüb.

Cavab olaraq İsrail HƏMAS-ın hərbi və siyasi strukturunu məhv etmək, həmçinin bütün qaçırılmış insanları azad etmək məqsədilə anklavda hərbi əməliyyata başlayıb. Qəzza zolağında döyüş əməliyyatları bu günədək davam edir.

Oxşar xəbərlər

İsrail HƏMAS-ın 8 min yaraqlısını zərərsizləşdirib

Netanyahu: "İsrail HƏMAS-ı məhv edəcək"

İsrail HƏMAS-a bir həftəlik hərbi əməliyyatları dayandırmağı təklif edib

İsrail Livanın cənubunda "Hizbullah"ın hərbi qurğusuna hücum edib

İsrail dekabrın 1-dən HƏMAS-ın minlərlə yaraqlısını məhv edib