Banqladeşin şərqində yerləşən Qazipur şəhərindəki Kaşimpur ciddi rejimli həbsxanasından kütləvi məhbus qaçışı baş verib.

“Sizinxeber.az”un məlumatına görə, bu barədə “Jago news” portalı məlumat yayıb.

“209 məhbus qaçmağa müvəffəq olub, onlardan 6-sı insident zamanı güllələnib”, - məlumatda deyilir.

Həbsxana nümayəndəsi Subrat Kumar bildirib ki, məhbuslar qaçmaq üçün çərşənbə axşamı günortadan sonra qiyam qaldırıblar. Həbsxana mühafizəçiləri müdaxilə edən zaman məhbuslar onlara hücum ediblər.

Vəziyyətin yalnız ordunun köməyi ilə sabitləşdirildiyi qeyd edilir.

Xatırladaq ki, avqustun 5-də Banqladeşdə hökumət əleyhinə kütləvi etirazlar zamanı dəyənək və daşlarla silahlanmış izdiham ölkənin şimalındakı Şerpur dairəsinin həbsxanasına basqın edib və qarışılıqlı zamanı 500 məhbus oradan qaça bilib.