Fələstinin HƏMAS hərəkatının Siyasi Bürosunun rəisi İsmayıl Həniyənin Tehranda öldürülməsindən sonra regionda genişmiqyaslı müharibənin baş verməməsi üçün avropalı və amerikalı yüksəkranqlı diplomatlar Yaxın Şərqdə təcili danışıqlar aparıblar.

“Report” xəbər verir ki, bu barədə “Financial Times” öz mənbələrinə istinadən bildirib.

Nəşrə görə, Aİ-nin Xarici Fəaliyyət Xidmətinin Baş katibinin siyasi məsələlər üzrə müavini Enrike Mora Tehranda “həyati əhəmiyyətli” danışıqlar aparıb, Ağ Ev Milli Təhlükəsizlik Şurasının Yaxın Şərq və Şimali Afrika üzrə koordinatoru Brett Makqurk isə Səudiyyə Ərəbistanında olub.

Adıçəkilməyən rəsmilər qəzetə bildiriblər ki, müzakirələr İranı ya İsraili günahlandırdığı hücuma cavab verməməyə, ya da simvolik hərəkətlərlə məhdudlaşdırmağa inandırmaq üzərində qurulub. “Dünən gecədən bəri hamı Tehrana təzyiq edir ki, cavab verməsin və özünü saxlasın”, – danışıqlar prosesində iştirak edən Qərb diplomatı nəşrə açıqlayıb.

Xatırladaq ki, daha əvvəl “The New York Times” İranın Ali Rəhbəri Əli Xameneinin Fələstinin HƏMAS hərəkatının Siyasi Bürosunun rəisi İsmayıl Həniyənin Tehranda öldürülməsinə cavab olaraq İsrailə birbaşa zərbələr endirmək əmri verdiyini bildirmişdi.

Oxşar xəbərlər

NYT: Xamenei İrana İsrailə birbaşa zərbələr endirmək əmri verib [xfgiven_updateblue][/xfgiven_updateblue]

Haniyə sabah Tehranda dəfn olunacaq [xfgiven_updateblue][/xfgiven_updateblue]

Haniyənin öldürülməsi ilə bağlı BMT Təhlükəsizlik Şurası fövqəladə iclas keçirəcək [xfgiven_updateblue][/xfgiven_updateblue]

Haniyə ilə vida İranda, dəfn mərasimi isə Qətərdə olacaq - YENİLƏNİB [xfgiven_updateblue][/xfgiven_updateblue]

İran HƏMAS liderinin Tehranda öldürülməsinə münasibət bildirib [xfgiven_updateblue][/xfgiven_updateblue]