"Lib-Dukhtegan" haker qrupu İran Milli Tanker Şirkəti və Gəmiçilik Şirkətinin sistemlərini sındıraraq 39 neft tankeri və 25 yük gəmisinin işində pozuntulara səbəb olub.

Bu barədə “Sizinxeber.az” “Sky News Arabiya”ya istinadən məlumat verib.

"İranın 60-dan çox neft tankeri və yük gəmisinin sistemləri sıradan çıxarılıb, bu da həmin gəmilər, limanlar və xarici aləm arasında əlaqələrin kəsilməsinə səbəb olub. Bu, İranın dəniz sektorunu hədəf alan ən böyük kiberhücumlardan biridir" - hakerlər öz bəyanatlarında bildiriblər.

Qruplaşma əlavə edib ki, buna İranın telekommunikasiya və informasiya texnologiyaları sahəsində fəaliyyət göstərən "Fanava" holdinqinin şəbəkəsinə daxil olmaqla nail ola biliblər. Bu holdinq peyk rabitəsi, məlumatların saxlanması və ödəniş sistemləri ilə bağlı xidmətlər təqdim edir.

Oxşar xəbərlər

Böyük Britaniya sahillərində neft tankeri və yük gəmisi toqquşub

İran Oman dənizində bir tankeri ələ keçirib, saxlanılanlar var

İsrail Müdafiə Ordusu: "Tehran artıq qorunmur, şəhər İsrail zərbələrinə qarşı müdafiəsizdir"

İran sahillərində qaçaqmalçılıq yolu ilə 700 min litrdən çox neft daşıyan tanker saxlanılıb

Britaniya sahillərində tanker və yük gəmisi toqquşub, 32 nəfər xəsarət alıb - YENİLƏNİB