Ədən körfəzində Yəmən sahillərində qayığın batması nəticəsində ölən afrikalı miqrantların sayı 86-ya yüksəlib.

“Report” xəbər verir ki, bu barədə “Reuters” agentliyi Yəmən mənbələrinə istinadən məlumat yayıb.

Məlumata görə, qayıqda Afrika ölkələrindən olan 170 miqrant olub, onlardan 42-si xilas edilib.

Daha əvvəl insident nəticəsində 76 nəfərin öldüyü bidirilirdi.

“Bab News” portalının məlumatına görə, avqustun 3-də səhər saatlarında Yəmənin cənubundakı Abyan əyalətinin sahillərində oromo xalqından (Şərqi Afrikanın ən böyük etnik qrupudur, əsasən Efiopiya və Keniyada yaşayırlar) olan onlarla qeyri-qanuni miqrantın cəsədi tapılıb. Ehtimal edilir ki, onlar Afrikadan gələn və pis hava şəraitinə görə batan qaçaqmalçılıq gəmisinin göyərtəsində olublar.

Oxşar xəbərlər

Mavritaniya sahillərində miqrant qayığının batması nəticəsində ölənlərin sayı 25-ə çatıb - YENİLƏNİB

Nikaraqua sahillərində miqrantların olduğu qayığın batması nəticəsində 5 nəfər ölüb

Mavritaniya sahillərində miqrant qayığının batması nəticəsində 15 nəfər ölüb

Tunis sahillərində qayığın batması nəticəsində 27 miqrant ölüb

Cibuti sahillərində iki miqrant qayığı batıb, 45 nəfər ölüb