ABŞ gələn həftə öz məhsullarına 15 % rüsum tətbiq edərsə, Fransa şərab və spirtli içkilər sənayesi 1 milyard avro itirə bilər.

“Report” “İnterfaks”a istinadən xəbər verir ki, bu proqnozu Fransa Şərab və Spirtli İçkilər İxracatçıları Federasiyası (FEVS) təqdim edib.

FEVS-nin məlumatına görə, bu ssenaridə qeyd edilən məhsulların Fransadan illik ixracı dörddə bir həcmdə azalacaq. Bundan başqa, bu sahədə çalışan 600 min adamın işi risk altında olacaq.

Federasiya prezidenti Qabriel Pikar isə bildirib ki, şərab və spirtli içkilərin 15 %-lik rüsumlardan azad olunması üçün səyləri alqışlayır:

"Vəziyyət olduğu kimi qala bilməz. Fransa və Avropa İttifaqının sektorumuza konkret dəstək göstərmək üçün bizimlə fəal əməkdaşlıq etməsi həyati əhəmiyyət kəsb edir".

Oxşar xəbərlər

KİV: Fransa biznesi ABŞ-nin rüsumlarına görə yüz milyonlarla avro itirə bilər

ABŞ-nin rüsumları Almaniyaya ildə təxminən 30 milyard avroya başa gələ bilər

İstanbulda saxta spirtli içkilər 15 gündə 34 nəfərin ölümünə səbəb olub

Kanada ABŞ istehsalı olan spirtli içkilərə qadağa tətbiq edir

ABŞ-nin Aİ-yə qarşı rüsumları Almaniyaya 2028-ci ilin sonunadək 200 milyard avroya başa gələ bilər