Ukrayna Prezidenti Volodimir Zelenski cümə günü amerikalı həmkarı Donald Trampla telefon danışığını ən yaxşı söhbət kimi qiymətləndirib və qarşı tərəflə dronların istehsalı üzrə birgə işin gücləndirilməsi barədə məlumat verib.

“Report” xəbər verir ki, bunu Ukrayna lideri axşam videomüraciətində bildirib.

"Yəqin ki, bütün bu müddət ərzində ən yaxşı, maksimum məhsuldar söhbət idi. Biz HHM mövzusunu müzakirə etdik və mən kömək etmək hazırlığına görə minnətdaram. Məhz “Patriot” ballistikadan müdafiənin açarıdır", - o deyib.

Zelenskinin sözlərinə görə, onlar daha bir neçə vacib məsələni müzakirə etdilər ki, bunları Ukrayna-ABŞ komandaları yaxın vaxtlarda keçiriləcək görüşlərdə ətraflı işləyəcəklər.

"Biz ABŞ ilə dronlarla bağlı birgə işin əhəmiyyətli dərəcədə artırılması barədə razılığa gəldik. Həftə ərzində Ukrayna Müdafiə Nazirliyi və aparıcı ABŞ şirkətlərindən biri arasında müqavilə imzalanıb. Bu, Ukraynaya bu il daha yüz minlərlə pilotsuz təyyarə verəcək", - dövlət başçısı deyib.

Zelenskinin sözlərinə görə, məhsuldarlığı, operatorların ixtisasını və ələ keçirilən hava hədəflərinin məhv edilməsində səmərəliliyi artırmaq lazımdır.

Oxşar xəbərlər

Zelenski Trampla son görüşdən razı qaldığını açıqlayıb

Zelenski və dörd Avropa lideri Trampla İstanbul danışıqlarını müzakirə edib

Zelenski G7 sammitində Trampla mühüm söhbətə ümid edir

Tramp Zelenski ilə yaxşı münasibətləri olduğunu bəyan edib

Zelenski: Ukrayna 30 günlük atəşkəsə hazırdır - YENİLƏNİB