Amerika Birləşmiş Ştatları regionda təhlükəsizlik vəziyyətinin pisləşməsi fonunda Tokio ilə koordinasiyanı yaxşılaşdırmaq üçün Yaponiyada yerləşən qüvvələrinin vahid komandanlığını yarada bilər.

“Sizinxeber.az” xəbər verir ki, bu barədə “Nikkei” qəzeti mənbələrə istinadən məlumat yayıb.

Qeyd olunub ki, müvafiq razılaşmaya dair maddə tərəflərin Yaponiyanın paytaxtında xarici siyasət və müdafiə nazirlikləri rəhbərlərinin “2+2” formatında görüşünün yekunlarına dair birgə bəyanatında yer ala bilər.

Yeni struktur Yaponiyadakı 55 min Amerika əsgərinin operativ komandanlığı funksiyalarına keçəcək. Bu funksiyalar indi Havaydakı ABŞ-ın Hind-Sakit Okean Komandanlığına həvalə edilib. Tokio ilə Honolulu arasındakı vaxt fərqi 19 saatdır.

Nəşr qeyd edib ki, həm ABŞ Silahlı Qüvvələrində, həm də Yaponiya Özünümüdafiə Qüvvələrində belə komanda strukturlarının yaradılması sülh dövründə birgə təlimlərin və münaqişələr zamanı birgə əməliyyatların planlaşdırılmasının təkmilləşdirilməsi məqsədi daşıyır.

Oxşar xəbərlər

Pentaqon Yaponiyada yeni komandanlıq yaratmaq niyyətindədir

ABŞ və Yaponiya PUA-lar istehsal edəcək

Yaponiya MN: “ABŞ-yə “Patriot” raketlərinin tədarükü ölkənin müdafiəsini zəiflətməməlidir”

ABŞ husi təhlükəsi ilə mübarizə üçün koalisiya yarada bilər

Yaponiya Britaniyaya 155 mm-lik artilleriya sursatlarının ixracına başlamaq niyyətindədir