Pentaqon Yaponiyada yeni komandanlıq yaratmaq niyyətindədir » Sizinxeber.az - Azərbaycan Xəbərləri
28 
May
2024
23:44

Pentaqon Yaponiyada yeni komandanlıq yaratmaq niyyətindədir

28 May, 2024
23:44
130

Pentaqon Yaponiyada yeni komandanlıq yaratmaq niyyətindədir

ABŞ Müdafiə Nazirliyi Kosmik Qüvvələri üçün yeni səhra komandanlıq mərkəzi açmaq məqsədilə Yaponiya hakimiyyət orqanları ilə danışıqlar aparır.

“Report” xəbər verir ki, bu barədə “Nikkei Asia” ABŞ Kosmik Qüvvələrinin Hind-Sakit okean regionu üzrə komandanı, briqada generalı Entoni Mastalirə istinadən məlumat yayıb.

Onun sözlərinə görə, səhra komandanlığı mərkəzi 2022-ci ildə Koreya Respublikasında Osan şəhəri (Osan aviabazası) yaxınlığında yaradılan ABŞ Hərbi Hava Qüvvələri bazasının bənzəri olacaq.

O, əlavə edib ki, Kosmik Qüvvələrin səyləri ABŞ və regiondakı müttəfiqlərini Çinin iddia edilən mərhələli hücum sistemindən necə qoruyacağını anlamağa yönəlib. Sistem hədəfləri tapmağa, qeyd etməyə, izləməyə, cəlb etməyə və vəziyyəti qiymətləndirməyə imkan verir.

“Son beş il ərzində Çin kəşfiyyat məlumatları ötürən peyklərin sayını üç dəfə artırmağı bacarıb. Pekinin səyləri ABŞ-ın Cənubi Çin və Şərqi Çin dənizlərinə müdaxiləsinin qarşısını almağa yönəlib”.

Aprelin 27-də “The New York Times” qəzeti yazıb ki, Birləşmiş Ştatlar Çin Hərbi Dəniz Qüvvələrini cilovlamaq üçün bu ölkənin sərhədlərinə yaxın sulardakı adalarda öz hərbi bazalarını tikməyə davam edir.

Bizimlə əlaqə saxlayın