Kiyev və Kopenhagen Danimarkada Ukrayna silahlarının birgə istehsalına yol açan anlaşma memorandumu imzalayıb.

“Report” xəbər verir ki, bu barədə Ukraynanın müdafiə naziri Rustəm Umerov bildirib.

"Bu gün Haaqada biz Danimarkanın müdafiə naziri Troels Lund Poulsen ilə niyyət məktubu imzaladıq. Bu, Danimarkada Ukrayna silahlarının birgə istehsalına yol açır. Bu sənəd Ramştayn formatında əvvəlki görüş zamanı başladığımız "Build with Ukraine" (red - Ukrayna ilə qurun) təşəbbüsünün həyata keçirilməsində ilk addımdır", - R.Umerov deyib.

Onun sözlərinə görə, Danimarka öz ərazisində Ukrayna müdafiə istehsalına başlamaq üçün artıq 500 milyon kron (77,8 milyon ABŞ dolları) ayırıb.

"Layihə çərçivəsində yaradılan bütün imkanlar Ukrayna müdafiə qüvvələrinin gücləndirilməsinə çalışacaq. Bu, ümumi müdafiə qabiliyyətimizi gücləndirən, təchizat zəncirlərini gücləndirən, texnologiya mübadiləsi və müdafiə sektorlarımızın inteqrasiyası üçün yeni imkanlar yaradan strateji addımdır", - R.Umerov əlavə edib.

Oxşar xəbərlər

Ukraynaya yardım 1,3 milyard avroya qədər artırılacaq

Ukrayna və Niderland müdafiə satınalmaları sahəsində əməkdaşlığı genişləndirəcək

Ukrayna Avropa ölkələrində silah istehsalına başlamaq niyyətindədir

Danimarka Ukrayna ordusu üçün 18 ədəd “Boqdan” artilleriya qurğusuna sərmayə ayırıb

Ukrayna PUA vurmaq üçün raketlər istehsal edəcək