Rusiya Prezidenti Vladimir Putin “Sky News Arabia” telekanalına müsahibəsində Moskvanın Ukrayna ilə münaqişənin həlli üçün əsas tələblərini açıqlayıb.

“Report”un Rusiya KİV-inə istinadən verdiyi xəbərə görə, o bildirib ki, Kiyev Rusiyanın nəzarəti altında olan Ukrayna ərazilərində keçirilmiş referendumların nəticələrini tanımalıdır.

V.Putin həmçinin deyib ki, Ukrayna neytral ölkə olmalı, heç bir xarici alyansa qoşulmamalı və nüvə silahı ilə silahlandırılmamalıdır.

"Kiyev Rusiyaya qarşı çıxan marionet rejimlərin deyil, milli maraqlarını əsas tutmalıdır", - Rusiya lideri qeyd edib.

Putin həmçinin ukraynalıların əksəriyyətinin Rusiya ilə dostluq münasibətlərinin qorunmasında maraqlı olduğuna əmindir.

"Bütün bu məsələlər 2022-ci ildə İstanbulda müzakirə olunub və o zaman Moskva və Kiyev sazişin imzalanmasına yaxın idi", - o əlavə edib.

Gülnar Mahmudova

Oxşar xəbərlər

Putin Rusiya – Ukrayna danışıqlarının mayın 15-də Türkiyədə başlanmasını təklif edib

Putin: Rusiya Ukrayna ilə münaqişənin tezliklə və sülh yolu ilə başa çatmasında maraqlıdır

Rusiya Prezidenti Ukrayna ilə danışıqlar haqqında: Biz düzgün yoldayıq

Putin: Kursk vilayətinə hücum etməklə Kiyev gələcək danışıqlarda mövqeyini yaxşılaşdırmağa çalışır

Ukrayna Rusiya ilə təmaslar üçün daimi genişləndirilmiş danışıqlar qrupu yaradacaq