Macarıstan Rusiya ilə əməkdaşlıqdan və Ukraynada vəziyyətin sülh yolu ilə həllinə çalışmaqdan imtina etməyəcək – hətta münaqişə uzunmüddətli xarakter alarsa belə.

Sizinxeber.az xəbər verir ki, bu barədə Macarıstanın xarici işlər və xarici iqtisadi əlaqələr naziri Peter Siyarto Rusiya xarici işlər naziri Sergey Lavrovla telefon danışığından sonra bildirib.

“Görünür, transatlantik birlik daxilində ciddi parçalanma baş verib. ABŞ Prezidenti Donald Tramp sülh istəyir və biz onu dəstəkləyirik, lakin Qərbi Avropa ölkələri ukraynalılarla birlikdə müharibənin davam etməsini istəyir. Bu isə sülh təşəbbüslərini çətinləşdirir və göstərir ki, müharibə gözləniləndən daha uzun və amansız olacaq. Macarıstan öz sülhpərvər mövqeyindən geri çəkilməyəcək, biz Rusiya ilə enerji əməkdaşlığından imtina etməyəcəyik və Donald Trampın sülh planını dəstəkləməyə davam edəcəyik”, – deyə Siyarto "M1" telekanalında yayımlanan videomüraciətində bildirib.

Oxşar xəbərlər

Macarıstan Rusiya ilə enerji əməkdaşlığını davam etdirmək niyyətindədir

Siyarto: Macarıstan Avropa Komissiyasının Rusiya qazından imtinasını dəstəkləmir

Macarıstan və Rusiya XİN rəhbərləri arasında görüş keçirilib

Peter Siyarto Ukraynanı ittiham edib

Siyarto: Macarıstan Rusiyadan qaz almaq istəyir