Qrenlandiya Baş naziri ABŞ ilə tərəfdaşlığa hazır olduqlarını bəyan etdi

Qrenlandiyanın yeni Baş naziri Yens Frederik Nilsen ABŞ ilə güclü tərəfdaşlıq qurmağa və ikitərəfli münasibətləri inkişaf etdirməyə hazır olduqlarını bildirib.

Bu barədə APA Danimarkanın "TV2" kanalına istinadla xəbər verir.

Eyni zamanda, Nilsen vurğulayıb ki, Qrenlandiya tərəfdaşlıqda qarşılıqlı hörmətin qorunmasını istəyir:
"Biz güclü tərəfdaşlığa və münasibətlərin daha da inkişafına hazırıq. Ancaq hörmət görmək istəyirik", — deyə o qeyd edib.