Ukrayna Prezidenti Volodimir Zelenski ölkəsinin indiyədək ABŞ-dan aldığı yardımın ümumi məbləğini açıqlayıb.

APA xəbər verir ki, Zelenski bu barədə amerikalı jurnalist Ben Şapiraya verdiyi müsahibədə danışıb.

Onun sözlərinə görə, bu rəqəm 105 milyard dollar təşkil edir.

Dövlət başçısı bildirib ki, yardım tam şəffaf şəkildə sənədləşdirilir və əsas hissəsi hərbi təyinatlıdır.

“Mənim ölkəm nə qədər yardım aldığını açıq şəkildə sənədləşdirir. Bildiyiniz kimi, biz 105 milyard dollar almışıq. Bunun da böyük hissəsi silah şəklində olub”, – deyə Zelenski qeyd edib.

Ukrayna lideri əlavə edib ki, bu silahlar birbaşa döyüş meydanında istifadə olunub. O, bəzi KİV-lərdə yayılan, guya bu silahların bir hissəsinin başqa ölkələrə ötürülməsi ilə bağlı iddiaları isə qəti şəkildə təkzib edib.

Oxşar xəbərlər

Zelenski ABŞ-dən aldığı yardımın ümumi məbləğini açıqlayıb

Zelenski: Çin Rusiyaya Ukrayna ilə müharibədə istifadə üçün silah göndərir

Zelenski: Ukrayna nümayəndə heyətinin Londondakı əsas hədəfi qeyd-şərtsiz atəşkəsdir

Zelenski: Ukraynadakı müharibə ABŞ-yə milyardlarla dollar gəlir gətirib

Zelenski: Ukrayna ABŞ-dən 50 milyard dollarlıq silah almaq istəyir