Antalyada Gürcüstanın Avropaya inteqrasiyasında çətinliklər müzakirə olunub

Gürcüstanın Baş naziri İrakli Kobaxidze Antalya Diplomatiya Forumu çərçivəsində Macarıstanlı həmkarı Viktor Orbanla görüşüb.

APA-nın Tbilisi müxbiri xəbər verir ki, məlumatı Gürcüstanın hökumət administrasiyası yayıb.

Bildirilib ki, görüş zamanı tərəflər Gürcüstanın Avropaya inteqrasiya prosesində üzləşdiyi çətinlikləri müzakirə ediblər.

“Söhbət zamanı biz ikitərəfli əməkdaşlığın dərinləşdirilməsinin vacibliyinə diqqət yetirdik və siyasi-iqtisadi əlaqələrimizi gücləndirmək məqsədi daşıyan tərəfdaşlığı gücləndirməyə hazır olduğumuzu bir daha təsdiqlədik”, - İrakli Kobaxidze görüşdən sonra “X” platformasında paylaşımında qeyd edib.