Bu gün günorta saatlarında xəstəxanadan buraxılan Papa Fransisk müalicə aldığı xəstəxananın eyvanından insanlara müraciət edib.

APA xəbər verir ki, bu haqda məlumat Vatikanın rəsmi saytında dərc olunub.

Roma Papası çıxışı zamanı dünyanın bir sıra bölgələrində baş verən mühüm hadisələrə toxunub.

Papa Fransisk Cənubi Qafqazda sülhün bərqərar olunmasına yönəlmiş səylərə görə minnətdarlığını bildirib və Ermənistan və Azərbaycan arasında sülh müqaviləsinin mətni üzrə razılaşmanı alqışlayıb.

“Ermənistan və Azərbaycan sülh sazişinin yekun mətni üzərində razılığa gəliblər. Ümid edirəm ki, o, tezliklə imzalanacaq və beləliklə, Cənubi Qafqazda davamlı sülhün bərqərar olmasına kömək edəcək”, o bildirib.

İsrailin Qəzzada çoxlu sayda insanın ölümü və yaralanmasına səbəb olan intensiv bombardmanlarının yenidən başlamasından kədərləndiyini vurğulayan Papa bunları deyib:

“Gəlin müharibələrin sona çatması və sülh üçün, xüsusən də uzun müddət əziyyət çəkən Ukrayna, Fələstin, İsrail, Livan, Myanma, Sudan və Konqo Demokratik Respublikasında birlikdə dua edək.”.

Oxşar xəbərlər

Papa Fransisk xristian ölkə liderlərinə müraciət edib

Papa Fransisk Qəzzayla bağlı çağırış edib

Roma Papası Türkiyəyə səfər edəcək

Papa Fransisk pontifikliyinin ən uzunmüddətli səyahətinə çıxır