Gürüstanın Baş naziri İrakli Kobaxidze ölkəsinin ABŞ-dəki səfiri, sabiq xarici işlər naziri David Zalkalianinin istefa verməsini təsdiqləyib.

APA-nın Tbilisi müxbiri xəbər verir ki, bu barədə İrakli Kobaxidze keçirdiyi mətbuat konfransında bildirib.

O, səfirin istefasından təəssüfləndiyini, lakin seçiminə hörmətlə yanaşdığını qeyd edib.

İrakli Kobaxidze xarici işlər nazirinin müavini Teymuraz Cancalianın isə vəzifəsini tərk etmədiyini, bunun yeni XİN başçısı olan Maka Boçorişvilinin qəbul etdiyi kadr qərarı olduğunu qeyd edib.

Baş nazir qeyd edib ki, nazir müavininə sistemdə qalmaq təklifi edilib, lakin onun hansı qərar verəcəyi məlum deyil.

Qeyd edək ki, yerli KİV ötən gün nazir müavini Teymuraz Cancalianın və David Zalkalianinin hakim partiyanın Aİ-yə prosesini dayandırmaq qərarına görə istefa verməsi barədə məlumat paylaşıb. Gürcüstan XİN-in 130-dək əməkdaşı sözügedən qərarı qınayan bəyanatı imzalayıb.

Oxşar xəbərlər

Gürcüstanın XİN rəhbərinin müavini Teymuraz Cancaliya istefa verib

Kobaxidze: Gürcüstan ABŞ ilə münasibətləri nəzərdən keçirə bilər

İrakli Kobaxidze ilk xarici səfərini Brüsselə edib

Prezident İlham Əliyev Gürcüstanın Baş naziri ilə görüşüb - YENİLƏNİB

Kobaxidze Ukraynanın Gürcüstandakı müvəqqəti işlər vəkilinin geri çağırılmasına münasibət bildirib