Şərqi və Mərkəzi Avropada leysan yağışları və daşqınlar nəticəsində azı 6 nəfər ölüb, itkin düşənlər var.

Sizinxeber.az xəbər verir ki, Rumıniya, Çexiya, Polşa, Slovakiya, Macarıstan, Almaniyanın cənubu və Avstriyanın bəzi hissələri son günlər şiddətli yağışlara məruz qalıb, daşqınlar nəticəsində minlərlə insan təxliyə edilib. Proqnozlara görə, növbəti günlərdə daha çox yağış yağacaq, çayların səviyyəsi yüksələcək və külək güclənəcək.

Rumıniyada isə daşqınlar nəticəsində 5 nəfər həyatını itirib, minlərlə insan təxliyə edilib.

Çexiya və Polşanın bəzi hissələri demək olar ki, otuz ilin ən güclü daşqınları ilə üzləşib. Polşanın cənub-qərbində bir mülki şəxs həyatını itirib. Çexiyada daşqın kritik mərhələyə çatıb, güclü yağışlar çayların daşmasına səbəb olub, 100 mindən çox insan təxliyə edilib. İndiyədək on minlərlə evə ziyan dəyib, 3 nəfər itkin düşüb. Polşanın Çexiya sərhədi yaxınlığındakı tarixi Qluxolazi şəhərində körpü uçub.

Avstriyada isə bir xilasedici təbii fəlakət nəticəsində ölüb.

Macarıstanda isə rəsmilər son illərin ən böyük daşqınlarından birinin Budapeştə yaxınlaşdığını bildiriblər.

Oxşar xəbərlər

Sudanda daşqınlar nəticəsində 32 nəfər ölüb

Yəməndə daşqınlar nəticəsində ölənlərin sayı 60-a çatıb

Vyetnamda "Yagi" qasırğası nəticəsində azı 127 nəfər ölüb

BMT: Qərbi Afrikada daşqınlar nəticəsində 70-dən çox adam ölüb, 699 nəfər yaralanıb

Tailandda sel və torpaq sürüşməsi nəticəsində 22 nəfər ölüb, 19 nəfər yaralanıb