İran Prezidenti Məsud Pezeşkian ABŞ Administrasiyasının danışıqlara çağırışları ilə İrana qarşı təhdidlərini ziddiyyət kimi qiymətləndirib və bunu tənqid edib.

Sizinxeber.az “Tasnim”ə istinadən xəbər verir ki, o, Tehranın yalnız bərabərhüquqlu danışıqlara razılıq verəcəyini bildirib.

İranın xarici siyasətində digər dövlətlərlə münasibətlərin vacibliyini vurğulayan Pezeşkian amerikalı həmkarı Donald Trampın İranla danışıqlarla bağlı çağırışına cavab olaraq, ölkəsinin bərabər şərtlər əsasında dialoqun tərəfdarı olduğunu diqqətə çatdırıb.

O, ABŞ-ın İranı təhdid etmək, eyni zamanda danışıqlara çağırmaq kimi ziddiyyətli siyasətini rədd etdiyini söyləyib.

"Bu gün ABŞ təkcə İrana qarşı deyil, bütün dünyaya qarşı bu cür alçaldıcı davranır. Bu isə danışıqların ruhuna ziddir", - deyə İran Prezidenti əlavə edib.

Qeyd edək ki, Tramp bir müddət əvvəl danışıqlara başlamaq üçün İrana məktub ünvanlayıb.

Pezeşkian buna cavabında ABŞ-la birbaşa danışıqları istisna etsə də, Tehranın dolayı danışıqları məqsədəuyğun variant kimi nəzərdən keçirdiyini bildirib.

Oxşar xəbərlər

Pezeşkian: Tramp İrana qarşı oyun qurur

Tehran Trampa cavab olaraq Vaşinqtonla birbaşa danışıqları rədd edib

Rəsmi Tehran Trampa cavab verib

Pezeşkian: İsrailə raket zərbələri ölkənin "qanuni hüquqlarına" əsaslanıb

Pezeşkian: ABŞ öhdəliklərini yerinə yetirərsə, danışıqlar aparacağıq