Birləşmiş Ştatlar İran hakimiyyətinə Tehranın Birləşmiş Ştatlarda keçirilən prezident seçkilərinə müdaxilədə iştirakına dair sübut təqdim etməlidir.

Sizinxeber.az xəbər verir ki, bu barədə İranın BMT-dəki daimi nümayəndəliyinin bazar ertəsi jurnalistlər üçün yaydığı bəyanatda deyilir.

“Bu cür ittihamların heç bir əsası yoxdur. Əgər ABŞ hökuməti öz iddialarının doğruluğuna səmimiyyətlə inanırsa, o zaman bizə müvafiq sübut təqdim etməlidir”, - bəyanatda deyilir.

Qeyd edək ki, bir müddət öncə Federal Təhqiqatlar Bürosu (FTB), Milli Kəşfiyyat Direktorunun Ofisi və ABŞ İnfrastruktur və Kibertəhlükəsizlik Agentliyinin birgə bəyanatında Vaşinqton tərəfi İranın ABŞ-da keçirilən prezident seçkilərinə müdaxilə etməyə cəhd etdiyini iddia etmişdi.

Oxşar xəbərlər

İran Trampın seçkiqabağı hesabının sındırılması ilə bağlı ittihamlara cavab verib

İran XİN: BMT TŞ susduğuna görə, İsrailə cavab verməkdən başqa yolumuz yoxdur