Türkiyədə sabiq nazir olan Abdüllatif Şenerin oğlu Bedirhan Şener ana nənəsini girov götürdükdən sonra onu güllələyərək öldürüb.

Sizinxeber.az Türkiyə mətbuatına istinadən xəbər verir ki, Ankarada yaşadıqları evdə nənəsi ilə mübahisə edən Bedirhan Şener daha sonra onu silahla girov götürüb.

Hadisə yerinə polis və xüsusi xilasetmə qrupları gəlsə də nənəsini B. Şenerin əlindən almaq mümkün olmayıb və o nənəsi Leyla Çetineri tapança ilə vuraraq öldürüb.

Daha sonra o polislər tərəfindən saxlanılaraq həbs olunub. Atası Abdüllatif Şener psixoloji problemləri olan oğlunun qarşısındakı şəxsin nənəsi olduğunu bilmədiyini və onu tanımadan atəş etdiyini deyib.

Qeyd edək ki, Abdüllatif Şener 2001-ci ildə qurulan hakim Ədalət və İnkişaf Partiyasının qurucularından olub və 2002-ci ildə Türkiyədə keçirilən parlament seçkilərində Sivas millət vəkili seçilib. 2002-2007-ci illərdə Abdullah Gül və Rəcəb Tayyib Ərdoğanın qurduqları hökumətlərdə maliyyə naziri və baş nazirin müavini vəzifələrində çalışıb.

Oxşar xəbərlər

Almaniyada naməlum şəxs xəstəxanada bir neçə nəfəri girov götürüb [xfgiven_updateblue][/xfgiven_updateblue]

Azərbaycan, Türkiyə, Gürcüstan müdafiə nazirlərinin görüşü keçiriləcək [xfgiven_updateblue][/xfgiven_updateblue]

Türkiyə və Ermənistanın xüsusi nümayəndələri görüşəcək [xfgiven_updateblue][/xfgiven_updateblue]

Zurabişvili hakim partiyanı “gürcü kabusu” adlandırıb [xfgiven_updateblue][/xfgiven_updateblue]

Bakıda ata uşaqlarını bıçaqlayıb öldürdükdən sonra intihar edib [xfgiven_updateblue][/xfgiven_updateblue]