Tramp: ABŞ nüvə razılaşması çərçivəsində İrana uranı zənginləşdirməyə icazə verməyəcək

ABŞ Prezidenti Donald Tramp bəyan edib ki, Vaşinqton İranın nüvə proqramı üzrə razılaşma çərçivəsində uranı zənginləşdirməsinə icazə verməyəcək.

APA xəbər verir ki, Ağ Ev rəhbəri bu barədə "Truth Social" hesabında yazıb.

“Potensial razılaşmamıza əsasən, uranın zənginləşdirilməsinə heç bir halda icazə verilməyəcək!”, – deyə Tramp vurğulayıb.

ABŞ Prezidenti əlavə edib ki, ölkənin keçmiş Prezidenti Co Bayden İranın uranı zənginləşdirmə fəaliyyətini “çoxdan dayandırmalı idi”.