İsrailin BMT-dəki daimi nümayəndəsi Denni Danon təşkilatın baş katibinə BMT-nin Fələstinli Qaçqınlara Yardım Agentliyinin (UNRWA) yanvarın 30-dək Qüdsdəki bütün fəaliyyətini dayandırması barədə xəbərdarlıq edib.

APA xəbər verir ki, bu barədə jurnalistlərə İsrailin BMT-dəki daimi nümayəndəliyi məlumat verib.

“UNRWA yanvarın 30-dan gec olmayaraq Qüdsdəki bütün fəaliyyətini dayandırmalı və şəhərdəki bütün binaları boşaltmalıdır”, - deyə Danonun BMT-nin Baş katibinə ünvanladığı bəyanatda deyilir.

Qeyd edək ki, ötən ilin oktyabr ayının 28-də Knesset ölkədə UNRWA-nın fəaliyyətini qadağan edən qanun qəbul edib. Sənədin lehinə 92, əleyhinə 10 deputat səs verib. Qanun UNRWA-nın İsrail ərazisində birbaşa və ya dolayısı ilə ofislərinin olmasını, xidmət göstərməsini və ya hər hansı fəaliyyət göstərməsini qadağan edir.

Oxşar xəbərlər

Knesset BMT agentliyinin İsraildə fəaliyyətini qadağan edən qanunu təsdiqləyib

İsrail UNRWA sazişinin ləğvi barədə BMT-yə rəsmi məlumat verib

Türkiyə XİN: İsrailin UNRWA-ının fəaliyyətinə son qoymaq cəhdi beynəlxalq hüququ açıq şəkildə pozur

BMT TŞ-nin üzvləri İsraili UNRWA-in fəaliyyətini qadağan edən qanuna görə tənqid edib

ÜST rəhbəri UNRWA qadağasının dağıdıcı nəticələri barədə xəbərdarlıq edib