ABŞ-da Respublikaçıların prezidentliyə namizədi Donald Tramp seçkilərdə qalib gələcəyi təqdirdə “TikTok”u xilas edəcəyinə və amerikalıların bu sosial şəbəkəyə çıxışını təmin edəcəyinə söz verib.

Sizinxeber.az xəbər verir ki, Tramp bu barədə öz “Truth” sosial şəbəkəsindəki hesabında bildirib.

“TikTok”u ABŞ-da saxlamaq istəyən hər kəsə müraciət edirəm. Bu platformanı sevirsinizsə, Trampa səs verin. Əgər “TikTok” və ya ölkəmizin təhlükəsizliyi ilə maraqlanmırsınızsa, millətimizi məhv edəcək marksistləri dəstəkləyə bilərsiniz”, - deyə Tramp bildirib.

O, rəqiblərinin ABŞ-da “TikTok”u qadağan etmək niyyətində olduğunu da vurğulayıb. Tramp, hesabının təxminən 11 milyon izləyicisi olan bu platformada böyük ulduza çevrildiyini xatırladıb.

Qeyd edək ki, ABŞ Ədliyyə Nazirliyi “TikTok”a qarşı məhkəmə iddiası qaldıraraq şirkətin 13 yaşından kiçik uşaqlardan şəxsi məlumatları valideynlərinin razılığı olmadan topladığını və bunun qanun pozuntusu olduğunu qeyd edib.

Oxşar xəbərlər

Tramp ölkənin dövlət borcunu azaldacağına söz verib

Tramp ABŞ-ı planetin kriptovalyuta paytaxtı edəcəyinə söz verib

Tramp: Bayden yarışı tərk etdikdən sonra ölkəni idarə edə bilməz

Tramp vəzifəyə gəldiyi ilk gündə Qəzzada münaqişəni həll edəcəyinə söz verib

Tramp seçkilərdə qalib gələcəyi təqdirdə Putinlə anlaşacağına ümid edir