Tramp Obamanı saxtakarlıqda ittiham edib

Ağ Ev rəhbəri Donald Tramp keçmiş prezident Barak Obamanı 2016-cı il prezident seçkilərində saxtakarlıqda ittiham edib.

APA xəbər verir ki, bu barədə Tramp “Truth Social” sosial şəbəkəsində paylaşım edib.

Tramp ABŞ Milli kəşfiyyat İdarəsinin direktoru Tulsi Qabbard və Ağ Evin mətbuat katibinin birinci müavini Harrison Fildsin "Fox News" kanalındakı çıxışlarını yüksək qiymətləndirib.

Onun sözlərinə görə, onlar “Obamanın və seçkilərdə yüksək səviyyəli saxtakarlıqda açıq-aşkar ifşa olunmuş dəstənin məsuliyyətə cəlb edilməsinin vacibliyindən fantastik şəkildə danışıblar”.