İran İsveçrə vasitəsilə ABŞ-a xəbərdarlıq edib ki, Vaşinqton İsrailin cavab zərbəsini dəstəkləsə, Amerika bazaları hərbi hədəfə çevriləcək.

“Report” yerli mətbuata istinadən xəbər verir ki, bunu İran Silahlı Qüvvələri Baş Qərargahının rəisi general-mayor Məhəmməd Baqeri deyib.

“Biz İsveçrə səfirliyi vasitəsilə Amerikaya məlumat verdik ki, ABŞ bazaları İsrailin gələcək hərəkətlərində istifadə olunarsa, hərbi hədəfə çevriləcək. Biz bunu təcavüz kimi qiymətləndirib, ona uyğun hərəkət edəcəyik”, - deyə o qeyd edib.

Qeyd edək ki, İran İsrailə PUA-larla hücum edib. İsrail ordusunun sözçüsü Daniel Haqari bildirib ki, ordu yəhudi dövlətinə doğru uçan 300-ə yaxın İran mərmisinin 99%-ni zərərsizləşdirib.

Oxşar xəbərlər

İsrail ordusu: İran buraxdığı PUA-ların heç biri İsrail sərhədlərinə çatmayıb

NYT: İran İsrailə 185 PUA və 146 raket atıb

Müharibə başladı: İran İsrailə zərbə endirir

İran Prezidenti: İsrailin Suriyadakı konsulluğumuza hücumu cavabsız qalmayacaq

ABŞ hərbçiləri 70-dən çox İran PUA-sını zərərsizləşdirib - YENİLƏNİB