Hikmət Mirzəyev Türkiyənin Xüsusi Təyinatlı Qüvvələr Komandanlığı ilə birgə Sərhəd Polis İdarəsinə baş çəkib - FOTO - VİDEO

Türkiyədə rəsmi qonaq qismində səfərdə olan Azərbaycan müdafiə nazirinin müavini və Quru Qoşunları komandanı general-polkovnik Hikmət Mirzəyev Türkiyənin Quru Qoşunları Komandanı, general Səlcuq Bayraktaroğlu, eyni zamanda, Xüsusi Təyinatlı Qüvvələr Komandanlığı ilə birgə Kilis Çıldırobadakı 6-cı Korpus və Şəhid Mehmet Sərhəd Polis İdarəsinə baş çəkib.

APA xəbər verir ki, bu barədə Türkiyənin Milli Müdafiə Nazirliyi məlumat yayıb.

Bildirilib ki, general Bayraktaroğlu Türkiyə və Azərbaycan Quru Qoşunları Komandanlıqları arasında artan hərbi əməkdaşlıq və koordinasiyaların inkişaf etdirilməsi, eləcə də silah və sistemlər haqqında məlumat verərək əməliyyat sahələrində əldə edilən təcrübələri diqqətə çatdırıb.