Paris-2024: Türkiyənin qadın voleybol yığması yarımfinala vəsiqə qazanıb

Paris-2024 Yay Olimpiya Oyunlarında voleybol yarışları davam edir.

Apasport.az xəbər verir ki, Türkiyə bu gün 1/4 final mərhələsi çərçivəsində Çin yığması ilə qarşılaşıb.

Rəqibini 3:2 (23:25, 25:21, 26:24, 21:25, 15:12) hesabı ilə məğlub edən "filenin sultanları" Olimpiadanın yarımfinalına vəsiqə qazanıb.

Qeyd edək ki, voleybol yarışlarının yarımfinal mərhələsi avqustun 8-də keçiriləcək.