16 yaşadək oğlan basketbolçulardan ibarət Azərbaycan millisi Türkiyənin Bursa şəhərində təlim-məşq toplanışına başlayıb.

Bu barədə "Report"a Azərbaycan Basketbol Federasiyasının mətbuat xidmətindən məlumat verilib.

Yığma hazırlıq prosesində yerli "Tofaş" klubu (U-16) ilə yoxlama oyununda üz-üzə gəlib.

Erhan Tokerin rəhbərlik ediyi millimiz rəqibinə 44:71 hesabı ilə məğlub olub. Hazırlıq prosesində əsas məqsəd iyulun 5-13-ü aralığında Albaniyanın paytaxtı Tiranada keçiriləcək Avropa çempionatının C divizionunun oyunlarına hazırlaşmaqdır.

Qeyd edək ki, təlim-məşq toplanışının ilk mərhələsi mayın 29-da başa çatacaq.

Oxşar xəbərlər

Parapauerliftinq üzrə Azərbaycan millisinin üzvləri Gürcüstanda toplanışa başlayıblar

Azərbaycan cüdoçuları İspaniyada təlim-məşq toplanışına qatılıblar

Taekvondo üzrə yeniyetmələrdən ibarət Azərbaycan millisi toplanışa başlayıb