Azərbaycan Basketbol Liqası: "Neftçi" və "Sabah" final seriyasının dördüncü matçına çıxır

Azərbaycan Basketbol Liqasında "Neftçi" və "Sabah" arasında final seriyasının dördüncü matçı keçiriləcək.

"Report" xəbər verir ki, görüş Bakı İdman Sarayında, saat 19:00-da start götürəcək.

İndiyə qədər tərəflər arasında 3 oyun baş tutub. Bu qarşılaşmalardan ikisində "Sabah", birində isə "Neftçi" qələbə qazanıb.

Tərəflər arasında 5-ci oyun mayın 11-nə təsadüf edəcək. Bu matç saat 17:00-da start götürəcək.

Qeyd edək ki, final seriyasında 4 qələbə qazanan komanda Azərbaycan Basketbol Liqasının qalibi olacaq.