38 yaşlı Modriç 2026-cı il dünya çempionatında oynamağı planlaşdırır

"Real Madrid"in yarımmüdafiəçisi Luka Modriç Xorvatiyanın Millətlər Liqasında Portuqaliya və Polşaya qarşı keçirəcəyi oyunlara dəvət olunub.

Bu barədə İspaniyanın "AS" portalı xəbər verib.

AVRO-2024-dən sonra şübhələrə baxmayaraq, 38 yaşlı xorvat millidə qalmaq qərarına gəlib. 

Mənbənin sözlərinə görə, Luka 2026-cı ildə ABŞ, Kanada və Meksikada keçiriləcək dünya çempionatında oynamaq arzusundadır. Modriç özünü yarımmüdafiədə keyfiyyətli əvəzedicilər tapmaqda çətinlik çəkən Xorvatiya millisi üçün vacib fiqur hesab edir.

Zlatko Daliçin yetirmələri sentyabrın 5-də Portuqaliya, sentyabrın 8-də Polşa ilə qarşılaşacaq.

BAKU.WS