Monteneqro minifutbol millisinin baş məşqçisi Deyan Raspopoviç Bakıda təşkil olunan dünya çempionatının E qrupunda Tailanda qarşı keçirdikləri matçı dəyərləndirib.

Mütəxəssis "Sizinxeber.az"a açıqlamasında ilk oyunda çoxlu səhvlərə yol verdiklərini söyləyib.

O, buna baxmayaraq, qrupun favoriti olduqlarını düşünür:

"Çox səhvlər etdik, pis oynayırıq. Düşündüm ki, hər bir oyunçu oynaya bilər. Amma bu matçı artıq unutmuşuq. Pley-off mərhələsinə keçmək üçün digər komandalarla oynayacağıq. Məncə, qrupun favoriti bizik. Hər birimiz eyni düşünməyimizə baxmayaraq, meydanda hər şey fərqlidir. Tailand çox yaxşı oynayır. Biz pis oynadığımız üçün heç-heçə etdik və buna layiqik".

Baş məşqçi təşkilatçılığı yüksək qiymətləndirib:

"Dünya çempionatı həqiqətən əla təşkil olinub. Bu, iştirak etdiyim ikinci mundialdır. Burada hər şey əladır. Azərbaycana iki gün əvvəl gəlmişik. Ümid edirəm ki, yaxın bir neçə gün ərzində Bakını gəzə biləcəyik".

Qeyd edək ki Monteneqro - Tailand görüşü 1:1 hesabı ilə başa çatıb.

Oxşar xəbərlər

Azərbaycanın minifutbol millisinin baş məşqçisi Monteneqro ilə matçı dəyərləndirib

Azərbaycan yığmasının baş məşqçisi: “Monteneqro ilə oyunda qələbəyə layiq idik”

İspaniya millisinin baş məşqçisi: "Bakıdakı dünya çempionatının təşkilatçılığı idealdır, biz çox məmnunuq"

Azərbaycan millisinin baş məşqçisi: "Oyunların Bakıda keçirilməsi bizim üçün əlavə stimuldur"

Azərbaycan minifutbol millisinin baş məşqçisi: "Bakıdakı mundialda daha güclü və qalib komanda görəcəksiniz"