Zədəli futbolçuların dönüşündən sonra hücumda daha kəsərli olacağıq.

"Report" xəbər verir ki, bunu "Araz-Naxçıvan"ın baş məşqçisi Elmar Baxşıyev "Sabah"a qarşı Misli Premyer Liqasının XXV turunun oyunundan sonra baş tutan mətbuat konfransında deyib.

O, heç-heçə ilə başa çatan görüşü şərh edib:

"Maraqlı, dinamik oyun izlədik. Hər iki komanda hücumda kreativlik göstərdi. Futbolçuların çıxışından razı qaldım. Yaxşı oynadıq və bir xal qazandıq, yolumuza davam edirik.

Komandamız enişdə deyil. Ötən həftə Azərbaycan kubokunda "Zirə"ni məğlub edib yarımfinala vəsiqə qazandıq. Möhkəm komandamız var. Sadəcə, zədəli futbolçularımız çoxdur. Onların dönüşündən sonra hücumda daha kəsərli olacağıq".

Qeyd edək ki, XXV turun "Sabah" - "Araz-Naxçıvan" görüşü 2:2 hesablı bərabərliklə yekunlaşıb.

Oxşar xəbərlər

"Kəpəz"in baş məşqçisi: "1 xal qazanmağımız yaxşı nəticədir"

"Araz-Naxçıvan"ın baş məşqçisi: "Nə düşünmüşdüksə, komanda onu yerinə yetirməyə çalışdı"

Kurban Berdıyev: Həm müdafiədə, həm də hücumda zəif oynadıq

"Araz-Naxçıvan"ın baş məşqçisi: "Komanda stress altında oynamağı bacarmalıdır"

"Araz-Naxçıvan"ın baş məşqçisi: "Neftçi" ilə matçın ağır keçəcəyini təxmin edirdik"