“Neftçi”nin 17 yaşadək oğlanlardan ibarət komandası Türkiyədə beynəlxalq yoldaşlıq matçları keçirəcək.

“Report” Bakı klubunun mətbuat xidmətinə istinadən xəbər verir ki, komanda fevralın 8-də qardaş ölkəyə yollanacaq.

Ötən mövsüm U-16 liqasının qalibi olmuş Asif Ramazanovun yetirmələri Türkiyə nəhəngləri – “Beşiktaş”, “Qalatasaray” və “Fənərbağça” klublarının müvafiq yaş qrupundan ibarət komandaları ilə qarşılaşacaqlar.

Oyunlar meydan sahiblərinə məxsus “Beşiktaş Ümraniyə”, “Florya Mətin Oktay” və “Fənərbağça Dərəağzı” təlim-məşq bazalarında keçiriləcək.

Qeyd edək ki, beynəlxalq yoldaşlıq görüşləri fevralın 9-15-i aralığında keçiriləcək. “Neftçi” fevralın 16-da Bakıya qayıdacaq.

Oxşar xəbərlər

Azərbaycanın U-17 millisi Türkiyə ilə yoldaşlıq oyunları keçirəcək

Azərbaycanın U-17 millisi yoldaşlıq oyunu keçirib

Azərbaycanın U-17 millisi yoldaşlıq görüşü keçirib

Azərbaycan millisi Belarusda ikinci yoldaşlıq görüşünü keçirib

Azərbaycan millisi Gürcüstanda ikinci yoldaşlıq görüşünü keçirib