“Ayaks” və “Mançester Yunayted”in keçmiş çalışdırıcısı Erik ten Haq Almaniyanın “Borussiya” (Dortmund) komandasının baş məşqçisi postuna namizəddir.

“Report” xəbər verir ki, bunu “Sky Sports” telekanalının jurnalisti Florian Plettenberq sosial şəbəkədə bildirib.

Onun sözlərinə görə, “Borussiya”nın türkiyəli baş məşqçisi Nuri Şahin vəzifəsindən uzaqlaşdırıla bilər. Ten Haq isə Dortmund klubunun şura müşaviri Mattias Zammerlə yaxşı münasibətdədir. Niderlandlı mütəxəssis “qara-sarılar”ın 16-cı turda “Bayer 04”ə uduzduğu (2:3) oyununu canlı izləyib.

Qeyd edək ki, Erik Ten Haq 2017-2022-ci illərdə “Ayaks”ın baş məşqçisi olub, Eredivisiyada bir neçə titul qazandıqdan və komandasını 2019-cu ildə Çempionlar Liqasının yarımfinalına çıxardıqdan sonra o, 2022-ci ildə “Mançester Yunayted”ə dəvət olunub və yeni komandası ilə İngiltərə Kuboku, İngiltərə Liqa Kuboku və İngiltərə Superkubokunu qazanıb. İngiltərədə qeyri-stabil nəticələrlə seçilən Ten Haqın karyerasının ən ağrılı anlarından biri 2023-cü ildə “Liverpul”a qarşı 7:0 hesabı ilə məğlubiyyət olub ki, bu da “qırmızı şeytanlar”ın tarixində ən böyük uğursuzluqlardan biri kimi yaddaşlara həkk olunub.

Oxşar xəbərlər

"Mançester Yunayted"in futbolçusu sabiq klubuna qayıdır

“Borussiya Dortmund” doğma meydanda “Bayer Leverkuzen”ə uduzub

ÇL: PSJ və "Porto" növbəti mərhələdə

İngiltərə Liqa Kuboku: “Mançester Yunayted” rəqibinə 7 cavabsız qol vurub

UEFA Çempionlar Liqası: Liqa mərhələsinin I turunda daha 6 görüş keçiriləcək