"Turan Tovuz"un ayağı sınan moldovalı futbolçusu Denis Marandiçi bu gün əməliyyat olunub.

Bu barədə "Report"a klubun mətbuat xidmətinin rəhbəri Süleyman Tağıyev məlumat verib.

O, müdafiçinin Bakıdakı klinikalardan birində əməliyyat olunduğunu bildirib:

"Futbolçunun əməliyyatı uğurla başa çatdı. Müəyyən müddət xəstəxanada qalacaq və daha sonra müalicəsi davam etmək şərti ilə evə buraxılacaq. Klubumuzun həkimləri də məsələni nəzarətdə saxlayırlar. Futbolçunun nə vaxt meydana çıxacağı dəqiqləşməyib. Klubumuz futbolçunun tez bir zamanda sağlığına qovuşması üçün bütün məsuliyyəti öz üzərinə götürüb. Arzu edək ki, Marandiçi tez bir zamanda komandamızın sıralarına dönəcək".

Qeyd edək ki, D.Marandiçinin ayağı Azərbaycan Kubokunun 1/8 final mərhələsinin "Sabah"la keçirilən oyununda Pavol Safranko ilə ikili mübarizədə bir neçə yerdən sınıb.

Oxşar xəbərlər

Ayağı bir neçə yerdən sınan "Turan Tovuz"un futbolçusu mövsümü erkən başa vura bilər

"Sabah"ın əməliyyat olunan futbolçusu 1 ay yaşıl meydanlardan kənar qalacaq

"Turan Tovuz"un futbolçusu Moldova millisinə dəvət alıb

Əməliyyat olunan "Sabah"ın futbolçusu 6 həftə futboldan uzaq qalacaq

"Turan Tovuz" daha bir futbolçusu ilə müqavilə müddətini uzadıb