Futbol üzrə İngiltərə Premyer Liqasının 12-ci turu çərçivəsində səfərdə "Mançester Siti" ilə qarşılaşan "Tottenhem" 4:0 hesablı qələbə qazanıb.

"Report" xəbər verir ki, qolları Ceyms Meddison (13 və 20-ci dəqiqə), Pedro Porro (52) və Brennan Conson (90+3) vurub.

Bu, "Mançester Siti"nin ardıcıl 5-ci məğlubiyyəti olub. Komanda bundan əvvəl "Bornmut" (1:2) və "Brayton"a (1:2), Liqa Kubokunda "Tottenhem"ə (1:2) və Çempionlar Liqasında Portuqaliya "Sportinq"inə (1:4) uduzub. Klub bütün oyunlarını səfərdə keçirib.

"Mançester Siti" İngiltərə çempionatının turnir cədvəlində 23 xalla ikinci pillədə qərarlaşıb. “Tottenhem” 19 xalla altıncı pillədədir.

Növbəti turda “Mançester Siti” dekabrın 1-də səfərdə “Liverpul”la qarşılaşacaq. Həmin gün “Tottenhem” “Fulhem”i qəbul edəcək.

Oxşar xəbərlər

“Mançester Siti” son 18 ilin antirekordunu qırıb

“Mançester Siti” 2021-ci ilin avqustundan bəri ilk dəfə ardıcıl üç oyunda uduzub

İngiltərə Premyer Liqası: “Mançester Siti” “Arsenal”la matçda son dəqiqədə məğlubiyyətdən xilas olub

İngiltərə Liqa Kuboku: “Mançester Siti” “Tottenhem”ə məğlub olub