İspaniyanın "Barselona" klubunun sabiq kapitanı Serxi Roberto İtaliya təmsilçisi "Fiorentina"ya keçə bilər.

"Sizinxeber.az" "Relevo"ya istinadən xəbər verir ki, Florensiya klubu 32 yaşlı futbolçunu azad agent kimi transfer etmək niyyətindədir.

Roberto Kataloniya təmsilçisində keçirdiyi 13 mövsümdən sonra komandadan ayrılıb.

O, yeddi dəfə La Liqanın, altı dəfə ölkə kubokunun və beş dəfə İspaniya Superkubokunun qalibi olub.

Bununla yanaşı müdafiəçi "Barselona"nın heyətində iki dəfə Çempionlar Liqası, UEFA Superkubokunu və klublararası dünya çempionatını da qazanıb.

Qeyd edək ki, oyunçu "Barselona" forması ilə 373 oyunda 19 qol və 43 məhsuldar ötürmə ilə yadda qalıb.

Oxşar xəbərlər

"Barselona" İngiltərə klubunun 20 yaşlı futbolçusunu transfer edə bilər

"Barselona" ispaniyalı futbolçunun transferini açıqlayıb