İngiltərənin "Fulhem" klubu müqavilə müddəti başa çatan hücumçu Raul Ximenes və daha 13 futbolçu ilə yollarını ayırıb.

"Report" klubun mətbuat xidmətinə istinadən xəbər verir ki, London təmsilçisini 35 yaşlı ön xətt oyunçusu ilə yanaşı, qapıçı Stiven Benda, müdafiəçi Devan Tanton və gənclər komandasının 11 üzvü tərk ediblər.

Klubdan ayrılan gənc oyunçular arasında Çarli Robinson, Bredli De Hesus, Olli Qofford, Cozef Uolters, Tom Uingeyt, Kallum Kliff, Marsell Holl, Ruban Han, Oliver Mayer, Harli Pleytel və Kuinn Şutter yer alıblar.

Onların arasında olan 21 yaşlı Çarli Robinson dizindəki problem səbəbindən futbolçu karyerasını başa vursa da, London klubunun akademiyasında məşqçi kimi fəaliyyətini davam etdirəcəyi bildirilib.

Oxşar xəbərlər

"Liverpul" 17 yaşlı futbolçu ilə müqavilə imzalayıb

London klubu məşhur futbolçusu ilə yollarını ayırıb

"Çelsi" London təmsilçisinin futbolçusu ilə maraqlanır

"Real" Raul Qonsaleslə vidalaşıb

Braziliya millisinin sabiq futbolçusu London klubundan ayrılıb